Nuk kaluan as 24 orë dhe Prokuroria e Posaçme ka bërë prapaktheu duke liruar llogaritë bankare të kompanisë nga Katari e angazhuar projektin e Zvërnecit. Llogaritë u bllokuan në kuadër të një hetimi pas dyshimeve për një skemë të tjetërsimit të pronave në këtë zonë.
Siç raportoi portali Lapsi.al, SPAK ka liruar llogaritë që e vëllezërve miliarderë nga Katari, Ramez dhe Mohamad Al-Khayyat. Duke cituar burime, portali raportoi se lirimi i llogarive u bë për të shmangur përballjet ligjore në Gjykatën e Arbitrazhit.
Megjithatë, mësohet se SPAK vijon hetimet për çështjen e pronësisë së tokës. Sekuestrimin e llogarive të vëllezërve miliarderë nga Katari e kishte nënshkroi në emër të SPAK prokurori Altin Dumani. Më herët edhe kryeministri Rama i bëri një paralajmërim SPAK-ut që të mos bllokonte investitorët e huaj dhe që të vijonte hetimet për çështjet e pronësisë.
SPAK ka sekuestruar edhe llogaritë bankare të kompanisë “Albania Land Development”, në kuadër të një hetimi për një skemë të dyshuar të tjetërsimit të pronave në zonën e Zvërnecit. Një nga administratorët e kompanisë, Redi Struga, i është nënshtruar kontrollit nga agjentët e Byrosë Kombëtare të Hetimit (BKH), si pjesë e veprimeve hetimore që po zhvillohen nga SPAK. Hetimet dyshohet se lidhen me një mekanizëm të mundshëm për kalimin e pronave shtetërore në duar private.
Në qendër të hetimit përmendet Artur Shehu, i cili aktualisht jeton në Shtetet e Bashkuara. Sipas burimeve hetimore, ai dyshohet se ka pasur rol drejtues në skemën e pretenduar të tjetërsimit të pronave.
