Reparti i Gastroenterologjisë pranë Spitali Klinik i Tetovës vazhdon të konsiderohet një nga qendrat më të besueshme për intervenime gastrointestinale në vend, falë profesionalizmit të stafit mjekësor dhe investimeve në pajisje moderne.
Në këtë repart kryhen me sukses gastroskopi, kolonoskopi, polipektomi dhe intervenime të avancuara gastrointestinale, duke ofruar diagnostikim dhe trajtim bashkëkohor për pacientët.
Nga spitali bëjnë të ditur se çdo ditë mirëpresin pacientë jo vetëm nga Tetova, por edhe nga shumë qytete të tjera të Maqedonisë së Veriut, të cilët zgjedhin këtë repart për shkak të kushteve moderne dhe cilësisë së shërbimeve shëndetësore.
Një falënderim i veçantë i është shprehur drejtorit të spitalit, Dr. Spec. Erzen Elezi, për angazhimin në avancimin e repartit me aparatura të reja moderne, që kanë ndikuar drejtpërdrejt në përmirësimin e shërbimeve dhe diagnostikimit për pacientët.
“Besimi i pacientëve mbetet motivimi ynë më i madh”, thuhet në njoftimin e repartit.
https://www.facebook.com/share/v/18e6hSi6jH
