Presidentja e kthen Ligjin për Specialen në Kuvend, me kërkesë të PDK-së

Partia Demokratike e Kosovës i ka kërkuar presidentes Justina Shiroka-Pula që ta rikthejë Ligjin për Speciale për lexim të tretë në Kuvend.Gazeta Nacionale ka mësuar se këtë kërkesë shefes së shtetit PDK-ja ia ka bërë sot.Përmes kësaj kërkese, partia më e madhe opozitare ia ka treguar të pares së shtetit se pse ky ligj duhet të rikthehet edhe një herë për rishqyrtim në Kuvend.Ditë më parë, gazeta Nacionale në mënyrë ekskluzive ka raportuar se Ligji do të rikthehet për shqyrtim në Kuvend. Gazeta i kishte drejtuar pyetje Presidencë për të kuptuar se për cilat arseje bëhet fjalë, por Presidenca nuk është përgjigjur.Gjithashtu, gazeta ka mësuar se këtë kërkesë të PDK-së, si propozuese e këtij ligji, do ta respektojë shefja e shtetit dhe do ta rikthejë ligjin për rishqyrtim në Kuvend.Ditëve të fundit, presidentes i është shtuar presioni për shqyrtim sa më të shpejt të ligjit.Një gjë të tillë, ditë më parë, e kishte kërkuar edhe iniciuesi i iniciativës “JO NË EMRIN TIM”, Çlirim Haziri.Në një konferencë për media, ai e ka ftuar shefen e shtetit që t`i shikojë mirë nenet e këtij ligji.