Një vajzë 12-vjeçare është goditur nga një veturë në fshatin Drenovec, duke shkaktuar revoltë dhe shqetësim të madh tek banorët e zonës, shkruan Pacensurë.
Pas rastit, qytetarët kanë kërkuar urgjentisht nga institucionet kompetente vendosjen e pengesave në rrugë dhe marrjen e masave konkrete për të parandaluar vozitjen me shpejtësi të madhe në këtë segment rrugor.
Sipas banorëve, rruga prej kohësh paraqet rrezik serioz për fëmijët dhe këmbësorët, ndërsa apelet e vazhdueshme për rritjen e sigurisë kanë mbetur pa përgjigje.
Ata theksojnë se nevojiten masa të menjëhershme, para se të ndodhë ndonjë tragjedi edhe më e rëndë.
