Një person me trotinet elektrik lëviz në mënyrë të rrezikshme në magjistralen Tetovë – Jazhinc

Një person është vërejtur duke lëvizur me trotinet elektrik në mënyrë të rrezikshme në magjistralen Tetovë–Jazhinc, duke rrezikuar sigurinë e tij dhe të pjesëmarrësve të tjerë në komunikacion, shkruan Tema.mk.
Sipas pamjeve dhe informacioneve të siguruara, personi ka lëvizur përgjatë rrugës magjistrale, ndërsa në disa momente është futur pothuajse edhe në korsinë e kundërt, duke krijuar situata të rrezikshme për automjetet që qarkullonin në atë segment rrugor. Ky rast vjen në kohën kur policia në Maqedoninë e Veriut ka nisur një aksion të gjerë kontrollesh ndaj drejtuesve të trotinetëve elektrikë dhe motoçikletave, me qëllim rritjen e sigurisë në trafik dhe parandalimin e shkeljeve që mund të çojnë në aksidente. Autoritetet apelojnë që drejtuesit e trotinetëve elektrikë të respektojnë rregullat e komunikacionit dhe të shmangin lëvizjen në rrugë me frekuencë të lartë të automjeteve, ku rreziku për aksidente është i konsiderueshëm./Tema.mk/