19-vjeçari nga Maqedonia kapet me 685 kartëmonedha të falsifikuara, gjykata bullgare e lë në paraburgim

Sipas Prokurorisë, ai kishte hyrë për një kohë të shkurtër në Turqi, ku kishte veshur një xhaketë në astarin e së cilës ishin qepur kartëmonedhat e falsifikuara. Gjatë kontrollit në kufi, ai ishte shfaqur i shqetësuar, ishte mbështetur pas ulëses dhe shikonte drejt tavanit të veturës.Pas arrestimit, në telefonin e tij celular janë gjetur fotografi të shumta të kartëmonedhave të ngjashme të falsifikuara, të realizuara më herët gjatë këtij viti. Në disa prej fotografive shfaqej edhe vetë 19-vjeçari.Avokati i tij kërkoi një masë më të lehtë, përkatësisht lirimin me garanci financiare, duke u thirrur në moshën e re dhe faktin se ai nuk ka precedentë penalë.Megjithatë, gjykata vendosi ta mbajë në paraburgim, duke vlerësuar se ekziston dyshim i bazuar se ai ka kryer veprën penale për të cilën akuzohet, si dhe rreziku i arratisjes nëse do të lirohej me një masë më të lehtë.Vendimi mund të ankimohet në Gjykatën e Apelit në Plovdiv.Nëse shpallet fajtor, 19-vjeçarin e pret dënimi me burg prej 2 deri në 8 vjet.