Atmosfera e Verës Tetovare pritet të ndizet edhe më shumë me ardhjen e një prej emrave më të njohur të skenës muzikore shqiptare. Këngëtarja Melinda Ademi do të mbajë koncert në Tetovë më 30 korrik, ku do të performojë para publikut tetovar, njofton Tema.mk.
Me hitet e saj të shumta dhe energjinë që sjell në skenë, Melinda pritet të jetë një nga atraksionet kryesore të programit të sivjetshëm të Verës Tetovare. Organizatorët ftojnë qytetarët dhe vizitorët që të bëhen pjesë e kësaj mbrëmjeje muzikore, e cila premton atmosferë festive dhe argëtim deri në orët e vona./Tema.mk/
