Një incident ka ndodhur pasditen e sotme pranë pikës kufitare në Jazhinc, ku një kamion me targa të Kosovës ka goditur një shtyllë elektrike, duke e rrëzuar plotësisht, mëson Tema.mk.
Sipas informatave nga terreni, pas përplasjes, shoferi i kamionit është ndaluar në pikën kufitare. Policia ka dalë në vendngjarje dhe po kryen hetimet për zbardhjen e plotë të rastit, si dhe për identifikimin e drejtuesit të automjetit./Tema.mk/
