Dje është regjistruar një vjedhje e rëndë në xhaminë e Sllatinës, ku persona të panjohur kanë thyer arkën e kontributeve dhe kanë marrë rreth 1000 euro, njofton Tema.mk. Sipas informacioneve fillestare, ngjarja është zbuluar pas hapjes së objektit fetar, kur është vënë re se arka ishte dëmtuar dhe paratë mungonin.
Edhe policia konfirmoj sot ngjarjen:
Një rast vjedhjeje është denoncuar më 26 mars 2026 rreth orës 15:30 në Departamentin Policor të Tearcës, ku sipas informacioneve, gjatë intervalit kohor nga ora 12:00 deri në 15:00 është kryer një vjedhje në xhaminë e fshatit Sllatinë, në Tetovë.
Sipas njoftimit, persona të panjohur kanë hyrë në objekt dhe, duke përdorur forcë dhe mjete të forta, kanë hapur arkën e kontributeve vullnetare, nga e cila kanë marrë para.
Në vendin e ngjarjes ka intervenuar ekipi i SPB Tetovë, i cili ka kryer këqyrjen dhe po ndërmerren masa për zbardhjen e plotë të rastit.
