Njësia e Jashtme për Punë Kriminalistike në Berovë ka ngritur kallëzim penal ndaj 21-vjeçarit I.V. nga Pehçeva, për shkak të dyshimit se ka kryer veprën penale “dëmtim dhe depërtim i paautorizuar në sistem kompjuterik”.
Sipas Ministrisë së Punëve të Brendshme, i dyshuari kishte nxitur një të mitur që t’ia merrte kartelën bankare gjyshit të tij. Më pas, pa dijeninë dhe pëlqimin e pronarit të kartelës, ata kanë tërhequr para nga bankomati në shtatë raste.
Me këto veprime, të dëmtuarit i është shkaktuar dëm material në vlerë totale prej 156.000 denarësh.
