Propaganda shtetërore rreth trajtimit mjekësor të 28-vjeçarit të plagosur në sy u rrëzua përballë të vërtetës lakuriq: shteti e la pas dore, ndërsa e gjithë barra financiare dhe organizative për kurimin e tij jashtë vendit u përballua plotësisht nga vetë familja.Ndërsa Kryeministri Edi Rama dhe Policia e Shtetit nxituan të ambalazhojnë ngjarjen me pretendime pompoze për “kujdes” e “operacion humanitar”, ky reaksion nuk ishte gjë tjetër veçse një tentativë e ultë për të mbuluar përgjegjësinë institucionale me shfaqje mediatike. Të përvetësosh meritën e shpëtimit të një të riu kur çdo cent doli nga xhepat e prindërve dhe të afërmve të tij është kulmi i hipokrizisë politike dhe një fyerje e hapur ndaj sakrificës së familjes.Kjo ngjarje nxjerr në pah degradimin e plotë të Policisë së Shtetit, e cila në vend që të mbajë llogari për rrethanat se si u dëmtua rëndë një qytetar, zgjodhi rrugën e mbrojtjes së vetvetes dhe shpëlarjes së duarve përmes gjuhës burokratike.Në vend të llogaridhënies dhe reagimit me dinjitet, organi i rendit funksionon si një armatë që mbron imazhin e pushtetit dhe jo jetën apo shëndetin e njerëzve. Historia e këtij 28-vjeçari nuk është asnjë fitore apo arritje shtetërore, por dëshmi e gjallë e një sistemi që të lëndon, të braktis kur ke më shumë nevojë dhe më pas përpiqet ta përdorë fatkeqësinë tënde për propagandë politike.
Lajmi ditës
Familja e Erjonit e nxjerr në rren Ramën: Për kurim në Itali e dërguam me kursimet tona!
