Një ngjarje e rëndë është regjistruar mbrëmjen e kësaj të hëne në kryeqytet. Sipas njoftimit të Policisë mësohet se një shtetas, dyshohet se ka qëlluar veten me armë.
Trupi i 47-vjeçarit është gjetur në banesën e tij, ndërkohë që policia është duke punuar me qëllim zbardhjen e plotë të kësaj ngjarje.
“Më datë 09.03.2026, rreth orës 21:40, dyshohet se është vetëvrarë me armë zjarri pistoletë në banesën e tij në rrugën “Sotir Caci” shtetasi B. G., 47 vjeç.
Arma e zjarrit u sekuestrua në cilësinë e provës materiale. Grupi hetimor po punon për sqarimin e plotë të rrethanave të rastit”, thuhet në njoftimin e Policisë.
Më herët një tjetër ngjarje u regjistrua në kryeqytet, ku një shtetas turk mbeti i plagosur me armë zjarri. Ashtu sikurse raportuam dhe më herët, 39-vjeçari kishte debatuar me një tjetër bashkëkombas të tij, sherri i cili përfundoi deri në përdorimin e armës së zjarrit nga ky i fundit.
