Dy vëllezër nga Përshevca therën me thikë nga një 37-vjeçar nga Tetova, ja detajet

Më 5 korrik 2026, në ora 23:35, në SPB Tetovë, S.A. (41) dhe vëllai i tij A.S. (42), të dy nga fshati Përshevcë, kanë raportuar se rreth orës 21:00, derisa S.A. ndodhej në një lokal, ai kishte pranuar një telefonatë nga D.I., i cili i kishte kërkuar 100.000 euro dhe e kishte kërcënuar.
Më pas, S.A. dhe i dyshuari janë takuar në rrugën “120”, para një marketi, ku D.I. kishte mbërritur me motoçikletë. Mes tyre ka nisur një përplasje verbale e shoqëruar me kërcënime.
Pas një konflikti të shkurtër fizik, D.I. ka nxjerrë një thikë me qëllim që ta sulmonte S.A., por është penguar nga vëllai i tij, A.S. Gjatë përleshjes, i dyshuari fillimisht e ka plagosur A.S., e më pas ka therur edhe S.A.
Të lënduarve u është dhënë ndihmë mjekësore në Spitalin Klinik të Tetovës.
Po atë mbrëmje, në ora 22:20, D.I. (37) nga Tetova është vetëparaqitur në Stacionin Policor të Tetovës në lidhje me rastin. Më pas, në ora 23:20, ai është arrestuar dhe është ndaluar për procedurë të mëtejshme.
Pas dokumentimit të plotë të rastit, ndaj tij do të parashtrohet kallëzimi përkatës.