Bashkëkryetari i VLEN-it dhe kryetari i Komunës së Tetovës, Bilall Kasami, ka njoftuar për përfundimin dhe promovimin e rrugës së re në lagjen “Dardania”.
Sipas Kasamit, bëhet fjalë për një rrugë të re, moderne dhe të ndërtuar sipas standardeve bashkëkohore, ku krahas asfaltimit është realizuar edhe instalimi i rrjetit të ri të ujësjellësit dhe vendosja e anësoreve.
“Me shumë kënaqësi sot promovuam rrugën në lagjen ‘Dardania’, një rrugë e re, moderne dhe me të gjitha standardet. Instaluam rrjet të ri ujësjellësi, vendosëm anësoret dhe asfaltuam rrugën”, ka shkruar Kasami.
Ai u ka uruar banorëve të kësaj lagjeje përdorimin e mbarë të infrastrukturës së re, duke theksuar rëndësinë e investimeve në përmirësimin e kushteve të jetesës për qytetarët e Tetovës.
