Deputeti i VLEN-it, Adnan Azizi, ka reaguar përmes një postimi në rrjetet sociale, ku ka shpërndarë edhe njoftimin e kryetarit të Komunës së Tetovës, Bilall Kasami, lidhur me përfundimin e punimeve në rrugën e lagjes “Dardania”.
Azizi thekson se çdo akuzë dhe shpifje nga kundërshtarët politikë po merr përgjigje me projekte konkrete në terren.
“Për çdo shpifje dhe akuzë që vjen nga ata që kanë mbetur peng i politikës së zullumit, përgjigjja e Bilall Kasamit në terren është një projekt i përfunduar”, shkruan Azizi.
Sipas tij, ritmi i punës së kryetarit Kasami po rrit mbështetjen e qytetarëve, ndërsa opozita, siç shprehet ai, po humb shpresën për t’u rikthyer në pushtet përmes propagandës.
Në fund të postimit, deputeti i VLEN-it uron banorët e lagjes “Dardania” për investimin e realizuar, duke theksuar se zhvillimi vjen “me punë, jo me fjalë”.
