Një ngjarje e rëndë ka tronditur qytetin Orahovo në Bullgari, ku një djalë 11-vjeçar ka humbur jetën në rrethana tragjike. Autoritetet janë duke hetuar për të zbardhur plotësisht shkaqet e këtij rasti të rëndë.
Sipas informacioneve zyrtare nga policia, ngjarja ka ndodhur mbrëmjen e kaluar rreth orës 20:00, kur babai e ka gjetur djalin e tij pa shenja jete në oborrin e shtëpisë. Banorët e zonës tregojnë se djali dyshohet të jetë ngjitur në një pemë, por më pas ka rënë në mënyrë të pafat. Gjatë rënies, ai është ngatërruar në elemente dekorative të vendosura në oborr dhe nuk ka mundur të lirohet.
Dyshohet se ai është asfiksuar, ndërsa shkaku i saktë i vdekjes pritet të përcaktohet pas autopsisë.
Ngjarja ka tronditur komunitetin lokal, ndërsa hetimet për këtë tragjedi vazhdojnë.
