Bëhuni gati, fillimi javës së ardhshëm na i sjellë rreshjet e borës – ja ku!

Nga nesër deri në mesin e javës së ardhshme, nën ndikimin e aktivitetit ciklonik, do të ketë reshje shiu, të cilat lokalisht do të jenë më të dendura.Sipas Drejtorisë për Punë Hidrometeorologjike (DPHM), në disa vende pritet të bien mbi 20 litra shi për metër katror, veçanërisht të dielën.Lokalisht, proceset atmosferike do të jenë në formë stuhish, të shoqëruara me reshje të rrëmbyeshme shiu, erë të përforcuar dhe bubullima. Të martën, nën ndikimin e një vale të ftohtë, në disa nga malet më të larta reshjet e shiut do të shndërrohen në reshje bore.Në Shkup, nga nesër deri në mesin e javës së ardhshme, moti do të jetë me vranësira të ndryshueshme dhe me reshje të herëpashershme shiu. Në disa pjesë të luginës, reshjet do të jenë më të dendura dhe do të shoqërohen me bubullima të rralla.Nga e hëna do të fryjë erë e moderuar deri e fortë nga veriu, ndërsa temperaturat do të pësojnë rënie.