“Vështirësi në furnizim me ujin”, kryetari Daut Memishi dhe ekipet e ndërrmarjes në orët e vona pastrojnë rezervuarin e fshatit Tearcës
Gjatë orëve të vona të natës është realizuar pastrimi i rezervuarit të ujit në Tearcë, me qëllim që banorët të mos përballen me mungesë të ujit të pijshëm. Sipas informacioneve nga terreni, reshjet e dendura të shiut kanë shkaktuar turbullira që kanë vështirësuar rrjedhën normale të ujit dhe kanë ndikuar në zvogëlimin e sasisë së furnizimit. Prezent me ekipet e ndërrmarjes ka qenë edhe kryetari i komunës Daut Memishi.
Ekipet kompetente kanë intervenuar menjëherë dhe edhe gjatë ditës së sotme kanë vazhduar aktivitetet në terren për normalizimin e plotë të situatës.
Nga autoritetet lokale bëhet e ditur se pas ndërhyrjeve të kryera, sistemi i furnizimit me ujë tashmë funksionon normalisht dhe banorët e Tearcës nuk pritet të kenë probleme me furnizimin./Tema.mk/
