Ishte duke u kthyer nga mbrëmja e maturës, humb jetën 18 vjeçari

Një person 18-vjeçar ka humbur jetën, ndërsa tre persona të tjerë janë lënduar në një aksident të rëndë trafiku që ndodhi gjatë natës pranë Jastrebarskos në Kroaci.
Sipas informacioneve nga policia, aksidenti ka ndodhur rreth orës 02:15 në vendin Gornja Reka, kur një automjet pasagjerësh, për arsye ende të panjohura, ka dalë nga rruga.
Në vendin e ngjarjes ka ndërruar jetë një person, ndërsa shoferi dhe dy bashkudhëtare kanë pësuar lëndime dhe menjëherë u është ofruar ndihmë mjekësore. Ende nuk ka informacione zyrtare për shkallën e lëndimeve, megjithëse disa media raportojnë se njëra nga vajzat e lënduara ndodhet në gjendje të rëndë.