Gjatë njëzet viteve të fundit, Turqia ka realizuar investime prej miliarda dollarësh në industrinë e mbrojtjes, duke shënuar një transformim të thellë në këtë sektor strategjik.
Nga një vend dikur shumë i varur nga pajisjet e huaja ushtarake, Turqia sot është shndërruar në një eksportues të rëndësishëm të teknologjisë dhe sistemeve të mbrojtjes.
Autoritetet theksojnë se vendi tashmë përmbush pothuajse të gjitha nevojat e tij në këtë fushë përmes prodhimit vendor. Ky zhvillim konsiderohet si një nga sukseset më të mëdha industriale të vendit, duke rritur jo vetëm kapacitetet mbrojtëse, por edhe ndikimin e Turqisë në tregjet ndërkombëtare të industrisë ushtarake.
