Një shtetas turk është arrestuar nga policia maqedonase pasi gjatë një kontrolli rrugor ka paraqitur një leje ndërkombëtare të vozitjes të falsifikuar.
Sipas njoftimit të policisë, më 6 qershor 2026, rreth orës 13:00, në afërsi të vendit të njohur si “Kryqëzimi i Vallandovës”, zyrtarët policorë nga Stacioni Policor për Mbikëqyrje Kufitare dhe Pikën Kufitare Dojran kanë privuar nga liria M.U. (46), shtetas i Turqisë me qëndrim të përkohshëm në vend.
Gjatë kontrollit të automjetit të tipit “Volkswagen Passat” me targa të Shkupit, të cilin e drejtonte i dyshuari, ai ka paraqitur për verifikim një leje ndërkombëtare të vozitjes, e cila pas kontrollit është konstatuar se ishte e falsifikuar.
Hetimet e mëtejshme kanë treguar se personi nuk posedonte asnjë leje tjetër të vlefshme drejtimi dhe se nuk kishte kryer fare provimin për shofer.
Për rastin është njoftuar prokurori publik, ndërsa i dyshuari është ndaluar në Stacionin Policor të Gjevgjelisë. Pas dokumentimit të plotë të rastit do të ngrihen procedurat dhe kallëzimet përkatëse.
Lajmi ditës
Shtetasi turk kapet me leje të falsifikuar ndërkombëtare të vozitjes, ja detajet
