Bashkëkryetari i VLEN-it, Bilall Kasami, ka qëndruar në Bogovinë, ku së bashku me Izet Mexhitin kanë takuar Feti Abazin për të diskutuar mbi projektet e realizuara, ato që janë në proces dhe investimet e planifikuara për komunën.Në takim kanë marrë pjesë edhe ministra, zëvendësministra dhe deputetë, me të cilët është diskutuar për mundësitë e përshpejtimit të projekteve dhe forcimit të bashkëpunimit ndërmjet pushtetit qendror dhe atij lokal.
Përmes një postimi në rrjetet sociale, Kasami ka theksuar se synimi është që projektet të marrin jetë sa më shpejt dhe të sjellin ndryshime konkrete në komunë.“Bashkë me ministrat, zëvendësministrat dhe deputetët, biseduam për mënyrat se si mund t’i përshpejtojmë këto projekte dhe si ta bëjmë bashkëpunimin mes pushtetit qendror dhe atij lokal sa më konkret”, ka shkruar Kasami.
Ai ka vlerësuar se Bogovina po hyn në një fazë ndryshimesh, duke theksuar punën, projektet dhe investimet si drejtimet kryesore të angazhimit.“Bogovina po ndryshon. Po merr pamjen e një komune të VLEN-it: punë, projekte dhe investime. Kjo na karakterizon neve dhe kështu do të vazhdojmë”, ka deklaruar Kasami.
