Në periudhën nga janari deri në shtator 2026, në territorin e vendit janë regjistruar 1.337 vepra penale në fushën e dhunës në familje, për të cilat janë raportuar 1.388 autorë, prej të cilëve 1.278 meshkuj dhe 110 femra, si dhe 1.433 viktima, prej të cilave 289 meshkuj dhe 1.144 femra, informoi sot MPB. Në të njëjtën periudhë janë regjistruar 191 kundërvajtje të lidhura me dhunën në familje, për të cilat janë raportuar 228 autorë (196 meshkuj dhe 32 femra) dhe 221 viktima (126 meshkuj dhe 95 femra).
Përveç kësaj, janë evidencuar 3.869 ankesa për dhunë në familje, ku janë raportuar 3.971 autorë, prej të cilëve 3.090 meshkuj dhe 881 femra, si dhe 3.961 viktima, prej të cilave 1.394 meshkuj dhe 2.567 femra.
Ministria e Punëve të Brendshme u bën thirrje qytetarëve që të mos heshtin dhe të mos e fshehin dhunën në familje, por të raportojnë në kohë çdo rast.
“Çdo person që është viktimë e dhunës në familje, si dhe çdo person që ka dijeni për raste të tilla, mund t’i raportojë në stacionin më të afërt të policisë ose në numrat e telefonit 112 dhe 192”, theksuan nga MPB.
