Autostrada Shkup–Bllacë po hyn në fazën e realizimit konkret. Me përfundimin e procedurës për përzgjedhjen e kontraktorit, një nga projektet më të rëndësishme infrastrukturore dhe strategjike për vendin po merr më në fund drejtimin e duhur.
Për 24 vjet me radhë, qytetarëve iu premtua kjo autostradë, por ajo mbeti vetëm në letër. Sot, me VLEN-in në qeveri dhe me angazhimin e përfaqësuesve tanë në institucionet shtetërore, ky projekt po shndërrohet në realitet.
Ky nuk është vetëm një investim në asfalt dhe beton. Është një investim në lidhjen strategjike me Kosovën, në zhvillimin ekonomik, në qarkullim më të shpejtë të njerëzve dhe mallrave dhe në krijimin e mundësive të reja për bizneset dhe qytetarët.
Angazhimi i zëvendësministres Kaltrina Zekolli dhe koordinimi me institucionet përgjegjëse dhe partnerët ndërkombëtarë po japin rezultate konkrete. VLEN vazhdon të dëshmojë se projektet nuk realizohen me premtime boshe, por me punë, përgjegjësi dhe vendimmarrje.
Atë që të tjerët nuk e bënë për 24 vjet, VLEN po e bën në 24 muaj.
