Vetëm pak orë pasi presidenti amerikan, Donald Trump tha se po shqyrton mundësinë e shitjes së avionëve luftarakë F-35 Turqisë, kryeministri izraelit Benjamin Netanyahu u shpreh kundër kësaj lëvizjeje të mundshme, edhe pse minimizoi dallimet mes dy liderëve.
Në një intervistë për CNN, Netanyahu paralajmëroi se shitja e avionëve më të avancuar luftarakë të Amerikës “nuk e bën Turqinë një shtet mik të Shteteve të Bashkuara”. Si pjesë e një përplasjeje në rritje me presidentin turk Recep Tayyip Erdoğan, Netanyahu e përshkroi Ankaranë si “një regjim të infektuar nga Vëllazëria Myslimane, e cila i urren Shtetet e Bashkuara”.
“Ai nuk është pikërisht modeli i një aleati të Shteteve të Bashkuara”, tha Netanyahu në CNN. “Ai kërcënon të shkatërrojë vendin tim, të vetmin shtet hebre”, u shpreh ai.
