Emmanuel Macron ka deklaruar se është jorealiste të ndërmerret një operacion ushtarak për të hapur me forcë Ngushticën e Hormuzit, pasi Donald Trump u bëri thirrje aleatëve të SHBA-së të punojnë për rihapjen e saj.
Duke folur para gazetarëve gjatë një vizite në Korenë e Jugut, Macron theksoi rreziqet e një ndërhyrjeje të tillë ushtarake.
“Disa mbështesin idenë e çlirimit të Ngushticës së Hormuzit me forcë përmes një operacioni ushtarak, një qëndrim që ndonjëherë është shprehur nga Shtetet e Bashkuara, megjithëse ka ndryshuar,” tha ai.
Ai shtoi se kjo nuk ka qenë kurrë një opsion që Franca e ka mbështetur, duke e cilësuar si jorealiste.
“Së pari, do të zgjaste shumë dhe do të ekspozonte të gjithë ata që kalojnë përmes ngushticës ndaj rreziqeve nga Garda Revolucionare, por edhe nga raketat balistike,” u shpreh Macron./Reuters/
