“Larg duart nga gjuha shqipe”, Ademi me akuza të forta ndaj Kostadinovskit
“Planin e Darkos e dimë. Atë plan e kemi në dorë”, deklaroi sonte Arbër Ademi, duke akuzuar kryetarin e Gjykata Kushtetuese e Maqedonisë së Veriut, Darko Kostadinovski, për tentim të shfuqizimit të dispozitave kyçe të Ligjit për Gjuhët, përcjell Gazeta Flaka
“I vetmi që po manipulon në këtë rast është Darko Kostadinovski. Edhe në deklaratën e tij të fundit sonte ai pranoi se disa dispozita të Ligjit për Gjuhët qenkan ‘problematike’ nga aspekti kushtetues. Kjo vetëm sa e vërteton edhe një herë planin dhe synimin e tij të qartë: abrogimin dhe shfuqizimin e dispozitave kyçe të Ligjit për Gjuhët”, tha Ademi.
Ai kërkoi përgjegjësi publike lidhur me referatin për ligjin, duke pyetur: “Pse kërkon të shfuqizohen 18 dispozita të Ligjit për Gjuhët, kur vetë Kushtetuta e ka përcaktuar këtë si materie ligjore?”
Sipas Ademit, “nuk është e lehtë të zhbëhet ajo që është arritur me sakrificë dhe përkushtim”, ndërsa porositi: “Larg duart nga gjuha shqipe.” Gazeta Flaka
