Halil Snopçe nga foltorja e Kuvendit uron matematicientin Damjan Davkov (VIDEO)

Deputeti i Aleancës për Shqiptarët, Halil Snopçe, nga foltorja e Kuvendit, i ka shprehur urime matematicientit të ri Damjan Davkov për suksesin e jashtëzakonshëm të arritur në arenën ndërkombëtare.
Snopçe vlerësoi se arritjet e të rinjve që përfaqësojnë vendin në gara ndërkombëtare janë krenari për të gjithë shoqërinë dhe meritojnë mbështetje e vlerësim institucional. Ai theksoi se suksesi i Damjan Davkov është dëshmi e potencialit të madh që kanë të rinjtë dhe i uroi atij edhe më shumë suksese në të ardhmen.
Urimi i deputetit u bë nga foltorja e Kuvendit, duke e vënë në pah rëndësinë e promovimit të dijes, shkencës dhe talenteve të reja në vend.