Ditë më parë, policia e Tetovës njoftoi se ka zbuluar një laborator droge, shkruan Tema.mk. Ekskluzivisht, redaksia jonë ka siguruar fotografi të sasisë së sekuestruar nga policia.
Sipas njoftimit zyrtar të policisë së Tetovës, është paraqitur kallëzim penal kundër S.J. (30) nga Tetova, për dyshime se ka kryer veprën penale “prodhim dhe shpërndarje e paautorizuar e drogave narkotike, substancave psikotrope dhe prekursorëve”. Më 27.03.2025, zyrtarët policorë kanë kryer kontroll në shtëpinë e të dyshuarit, ku është zbuluar një laborator i improvizuar me pajisje për krijimin e kushteve të kontrolluara për kultivimin e marihuanës. Gjatë kontrollit janë gjetur dhe sekuestruar marihuanë dhe bimë kanabisi, duke përfaqësuar një tjetër sukses të policisë në luftën kundër narkotikëve./Tema.mk/
