Aeroporti ndërkombëtar i Mynihut është mbyllur që prej orës 09:00, pas raportimeve për praninë e mundshme të një droni në zonën ajrore. Si pasojë e situatës, janë pezulluar të gjitha ngritjet dhe uljet e avionëve, ndërsa autoritetet aeroportuale nuk kanë ende një vlerësim se kur mund të rifillojë normalisht trafiku ajror.
Sipas policisë federale gjermane, dy pilotë kanë raportuar më herët shfaqjen e një droni pranë aeroportit, çka ka shkaktuar edhe nisjen e një operacioni të madh policor në terren për sigurimin e zonës dhe verifikimin e kërcënimit të mundshëm.
Autoritetet vijojnë hetimet, ndërsa situata mbetet ende e paqartë për rikthimin e operacioneve normale në aeroport.
