Nën organizimin e Departamentit të Arsimit në Komunën e Tearcës, në fshatin Nerasht është mbajtur një turnir futbolli me pjesëmarrjen e pesë shkollave qendrore të komunës, njofton Tema.mk. Lajmin e bëri të ditur kryetari i Komunës së Tearcës, Daut Memishi, i cili theksoi se turniri u zhvillua në atmosferë sportive dhe me frymë të lartë bashkëpunimi ndërmjet nxënësve.
Sipas tij, garat u karakterizuan me lojë të bukur, respekt dhe harmoni mes pjesëmarrësve, ndërsa aktiviteti kishte për qëllim promovimin e shoqërisë, respektit dhe bashkëpunimit mes të rinjve.
Memishi falënderoi të gjitha shkollat pjesëmarrëse, arsimtarët dhe organizatorët për angazhimin dhe kontributin në realizimin e këtij turniri të suksesshëm sportiv.
