Aksident i rëndë në rrugën e Plastikave në Shkup, motoçiklisti dërgohet me urgjencë në Spitalin e Qytetit, ja detajet

Përplasje e rëndë është regjistruar sonte në rrugën e Plastikave në Shkup. Rreth orës 22:40, një veturë dhe një motoçikletë janë përplasur fuqishëm, ndërsa si pasojë drejtuesi i motorit ka mbetur i plagosur rëndë. Sipas informacioneve të para, menjëherë pas aksidentit në vendin e ngjarjes kanë mbërritur ekipet e Ndihmës së Shpejtë, të cilat e kanë transportuar të lënduarin me urgjencë drejt Spitalit të Qytetit, ku po merr trajtim intensiv mjekësor. Gjendja e tij shëndetësore ende nuk dihet zyrtarisht. Policia ka bllokuar pjesërisht segmentin dhe ka nisur inspektimin për të zbardhur rrethanat e aksidentit. Në vendngjarje janë vërejtur pjesë të shpërndara të motorit dhe veturës, gjurmë frenimi dhe dëmtime të mëdha në të dy mjetet, që dëshmojnë forcën e përplasjes./Alsat