Lideri i BDI-së, Ali Ahmeti, mori pjesë në zgjedhjet partaike të degës së Butelit. Gjatë fjalimit të tij, lideri integrist adresoi kirtika në distancë ndaj VLEN-it, lidhur me debatin e sotëm për përfaqësimin e drejtë dhe adekuat në Kuvend.
Ahmeti tha se gjatë 24 muajve pop shohim përpjekje sistematike për të zhbërë siç vuri theksin ai, atë që shqiptarët për gjatë 24 viteve e kanë arritur me shumë mund.
‘’Fatkeqësisht, për 24 muaj me radhë po shohim përpjekje sistematike për të zhbërë atë që shqiptarët dhe qytetarët e këtij vendi e kanë ndërtuar me shumë mund, sakrificë dhe angazhim gjatë 24 viteve të fundit’’, tha Ahmeti
Për Ametin, ata që sot predikojnë parulla për “cilësi dhe jo etni”, po dëshmojnë se kanë hequr dorë nga mbrojtja e interesave kombëtare dhe të drejtave të shqiptarëve.
Në vend të avancimit të pozitës së shqiptarëve, theksoi më tej Ali Ahmeti, po shohim heshtje përballë padrejtësive, relativizim të të drejtave të fituara dhe cenim të mekanizmave që garantojnë barazi dhe përfaqësim të drejtë.
‘’Megjithatë, nga Buteli mora një mesazh të qartë: Bashkimi Demokratik për Integrim mbetet i bashkuar, i organizuar dhe i vendosur për të mbrojtur çdo të arritur të shqiptarëve, Marrëveshjen e Ohrit dhe perspektivën euroatlantike të vendit.Së bashku do të vazhdojmë të qëndrojmë në mbrojtje të dinjitetit, barazisë dhe interesit të qytetarëve tanë, ashtu siç kemi bërë gjithmonë’’, theksoi Ahmeti
