Ndodh edhe kjo/ Arrestohet shoferi i autobusit në Shkup, voziste pa patent shofer

Sot (27.04.2026), në rrugën “Panajot Ginovski” në komunën Gjorçe Petrov në Shkup, nga ana e zyrtarëve policorë të Njësisë Mobile për Siguri në Komunikacionin Rrugor pranë Sektorit për Punë të Komunikacionit në MPB, është privuar nga liria një shofer autobusi i markës “Mercedes” me targa të Shkupit.

Sipas policisë, ai ka kryer transport publik të udhëtarëve pa poseduar patentë shoferi të vlefshme.

Kundër shoferit Z.S. (54) nga Shkupi, si dhe ndaj pronarit të automjetit – person juridik nga Shkupi, janë ndërmarrë masa përkatëse dhe do të përballen me sanksionet e parashikuara me ligj.

Kontrollet në trafik do të vazhdojnë edhe në periudhën në vijim në gjithë territorin e vendit, me qëllim sanksionimin e shkelësve, rritjen e sigurisë dhe mbrojtjen e pjesëmarrësve në komunikacion.

Autoritetet apelojnë tek të gjithë pjesëmarrësit në komunikacion që të respektojnë rregullat dhe dispozitat, në mënyrë që së bashku të kontribuojmë për rrugë më të sigurta.