Kryeministri izraelit Benjamin Netanyahu e ka paralajmëruar Teheranin se çdo sulm ndaj Izraelit — qoftë i drejtpërdrejtë apo përmes grupeve të mbështetura prej tij — do të ishte “një gabim i tmerrshëm” dhe do të përballej me një përgjigje “shumë, shumë të fuqishme”, raporton Al Jazeera.
Në një intervistë për Fox News, Netanyahu tha se përfundimi i luftës kërkon ose rënien e qeverisë iraniane, ose pranimin nga Teherani të kostos së “shkaktimit të kaosit ekonomik” dhe të “sulmeve ndaj të gjithëve”. Ai përmendi Arabinë Saudite, Bahreinin, Katarin, Kuvajtin, Emiratet e Bashkuara Arabe, Izraelin dhe Jordaninë si objektiva të Iranit.
Netanyahu tha se i “mbështet plotësisht” përpjekjet diplomatike të Trumpit, por këmbënguli se programi bërthamor i Iranit duhet të marrë fund, “me marrëveshje ose pa marrëveshje”.
