Memishi dhe Zekolli pas Dobroshtit vizitojnë Tearcën dhe Sllatinën: Po realizohen dy proekte të rëndësishme

Kryetari i Komunës së Tearcës, Daut Memishi, ka njoftuar se pas përurimit të rrugës në fshatin Dobrosht, së bashku me zëvendësministren Zekolli kanë vizituar fshatrat Tearcë dhe Sllatinë, ku janë duke u realizuar dy projekte të rëndësishme infrastrukturore.
Sipas Memishit, investimet kanë për qëllim përmirësimin e infrastrukturës dhe krijimin e kushteve më të mira për banorët e komunës.
“Me investime konkrete dhe punë të vazhdueshme, po përmirësojmë infrastrukturën dhe po krijojmë kushte më të mira për banorët e komunës sonë. Puna vazhdon, hap pas hapi, për një Tearcë me më shumë zhvillim dhe projekte që u shërbejnë të gjithë qytetarëve”, ka deklaruar Memishi.
Ai theksoi se Komuna e Tearcës mbetet e përkushtuar në realizimin e projekteve zhvillimore që përmirësojnë jetën e qytetarëve dhe zhvillimin e çdo vendbanimi.