Emërimi i paralajmëruar i Zlatko Perinskit në postin e drejtorit të Fondit të Sigurimit Shëndetësor ka nxitur reagime në opinion, pasi në rrjetet sociale po qarkullon një pjesë e Ligjit që përcakton kushtet për këtë funksion, njofton Tema.mk.
Sipas dokumentit, drejtori i Fondit duhet të ketë arsim të lartë në një nga fushat e menaxhimit, shkencave ekonomike, financave, administrimit të biznesit, menaxhimit në shëndetësi publike, shkencave mjekësore ose juridike, si dhe të plotësojë edhe disa kritere të tjera ligjore.
Nga ana tjetër, sipas informacioneve publike, Zlatko Perinski ka përfunduar Fakultetin e Kulturës Fizike.
Bazuar në dispozitat e publikuara të ligjit, janë ngritur dilema nëse ai i përmbush kriteret arsimore të parashikuara për pozitën e drejtorit të Fondit të Sigurimit Shëndetësor./Tema.mk/
