Mesditën e sotme, qytetarët e Athinës përjetuan lëkundje të forta tërmeti që shkaktuan shqetësim dhe frikë të përkohshme. Tërmeti i parë u regjistrua me magnitudë 4.3 ballë të shkallës Rihter, ndërsa pas-lëkundja e dytë, më intensive, theksoi shqetësimin e banorëve dhe autoriteteve lokale.
Sipas të dhënave të Institutit Gjeodinamik të Athinës, janë regjistruar tre goditje sizmike gjatë mesditës. Pas tërmetit fillestar 4.3 ballë, një tjetër lëkundje me magnitudë 4.8 ballë dhe më pas tërmeti më i fortë, 5.3 ballë, me epiqendër në zonën Mandudhi Evia, Kalkidha, u ndje qartë edhe në kryeqytet. Thellësia e tërmeteve llogaritet rreth 5 kilometra, duke shpjeguar ndjeshmërinë e tyre në Athinë.
Për momentin, autoritetet raportojnë se nuk ka dëme materiale apo viktima. Banorët janë këshilluar të jenë vigjilentë dhe të ndjekin udhëzimet e autoriteteve civile për siguri në rast të pas-lëkundjeve të tjera.
