Shumica e izraelitëve nuk e konsiderojnë kryeministrin Benjamin Netanyahu si një figurë të besueshme, sipas një sondazhi të realizuar nga Channel 12.
Të dhënat e publikuara tregojnë se 60 për qind e të anketuarve deklarojnë se nuk kanë besim te Netanyahu, ndërsa vetëm 38 për qind shprehen se i besojnë atij. Sipas raportimeve të “Times of Israel”, rezultatet tregojnë një perceptim më pozitiv për disa prej rivalëve politikë të kryeministrit.
Ish-shefi i shtabit të ushtrisë izraelite, Gadi Eisenkot, i cili konsiderohet një nga kundërshtarët kryesorë politikë të Netanyahut, shihet si një person i besueshëm nga 54 për qind e të anketuarve, ndërsa 29 për qind shprehen se nuk kanë besim tek ai.
