Radha të gjata të qytetarëve janë regjistruar sot në shumë pika të karburantit në Maqedonia e Veriut, pasi disa pompa benzine nuk kanë furnizuar qytetarët me karburant gjatë ditës. Sipas reagimeve të shumta, dyshohet se disa pika të karburantit kanë ndaluar shitjen duke pritur rritjen e çmimeve që pritet të hyjë në fuqi nga mesnata, shkruan Tema.mk.
Qytetarët janë ankuar për situatën e krijuar, duke theksuar se janë detyruar të presin për një kohë të gjatë para pompave të benzinës pa mundur të furnizohen me karburant.
Ndërkohë, reagime ka pasur edhe në rrjetet sociale, ku është kërkuar që institucionet të ndërmarrin masa ndaj pikave të karburantit që dyshohet se kanë ndaluar furnizimin për të përfituar nga rritja e çmimeve.
Në fokus të kritikave është vënë edhe ministrja e Energjisë, Minierave dhe Burimeve Minerale në Maqedonia e Veriut, Sanja Božinovska, pasi kjo ministri ka në kompetencë sektorin e energjisë dhe funksionimin e tregut të derivateve të naftës, përfshirë edhe pompat e benzinës./Tema.mk/
