Para disa kohësh u publikuan fotografi të vilës luksoze të Luka Modrićit në lagjen elitare Kozhino pranë Zarës. Përveç vilës së tij në lagjen prestigjioze La Moraleja në Madrid, futbollisti kroat posedon edhe një pronë të vlefshme në Kroaci.
Futbollisti më i njohur kroat, Luka Modrić, pushimet verore zakonisht i kalon duke lundruar përgjatë bregdetit të Adriatikut dhe duke shijuar ishujt kroatë, por një pjesë të kohës e kalon edhe në Kozhino, afër Zarës, ku është rritur. Së bashku me bashkëshorten Vanja dhe fëmijët e tyre, ai relaksohet në plazh dhe mbush energjitë për sezonet e gjata dhe të ngarkuara.
Ndërkohë, kapiteni i përfaqësueses kroate të futbollit do të regjistrojë paraqitjen e tij të 200-të me fanellën e Kroacisë në ndeshjen kundër Panamasë, duke u bërë vetëm futbollisti i katërt që hyn në “Klubin 200”.
Deri më tani, vetëm tre futbollistë kanë arritur këtë shifër të jashtëzakonshme: Cristiano Ronaldo me 229 paraqitje për Portugalinë, Bader Al-Mutawa me 202 paraqitje për Kuvajtin dhe Lionel Messi, i cili së fundmi iu bashkua këtij klubi elitar.
