Shtetet e Bashkuara po shqyrtojnë mundësinë e zgjerimit të pranisë së tyre bërthamore në Evropë, duke lejuar më shumë vende të NATO-s të strehojnë avionë të aftë për të transportuar armë bërthamore, sipas një raporti të Financial Times.
Gazeta britanike, duke cituar tre burime të njohura me diskutimet, raporton se zyrtarët amerikanë kanë sinjalizuar gatishmëri për të zgjeruar dislokimet përtej vendeve që aktualisht marrin pjesë në programin e NATO-s për ndarjen e armëve bërthamore.
Sipas raportit, diskutimet fokusohen në vendosjen e avionëve me aftësi të dyfishta (Dual-Capable Aircraft – DCA), të cilët mund të përdoren si për armë konvencionale ashtu edhe për armë bërthamore.
