Kryeministri i ri i Hungarisë, Peter Magyar, ka deklaruar se refuzon ofertën për mbrojtje personale nga policia, duke theksuar se nuk e sheh të nevojshme një masë të tillë sigurie, shkruan Tema.mk. Ai falënderoi Shefin e Policisë Kombëtare për ofertën, por nënvizoi se do të vazhdojë ta refuzojë mbrojtjen, qoftë ajo 24-orëshe apo në forma të tjera.
“Deri më tani nuk kam pasur asgjë për t’u frikësuar dhe synoj të punoj në mënyrë të tillë që të mos kem asgjë për t’u frikësuar as në të ardhmen. Hungaria do të bëhet një vend ku askush që punon dhe jeton ndershmërisht nuk ka pse të ketë frikë,” është shprehur ai.
Në fund, Magyar falënderoi oficerët e policisë për shërbimin dhe përkushtimin e tyre./Tema.mk/
