Përsëri zjarr në fushat e Tearcës, dyshime për zjarrvënie të qëllimshme!

Një tjetër zjarr ka shpërthyer sonte në fushat e Komunës së Tearcës, duke rikthyer shqetësimin tek banorët dhe autoritetet lokale.
Sipas informacioneve fillestare, ekipet e zjarrfikësve kanë dalë menjëherë në terren dhe po punojnë për lokalizimin e flakëve, ndërsa situata po monitorohet nga afër.
Ky është rasti i dytë brenda pak ditësh që fushat e Tearcës përfshihen nga zjarri, çka ka ngritur dyshime serioze se bëhet fjalë për zjarrvënie të qëllimshme. Autoritetet pritet të hetojnë shkaqet e zjarrit dhe të identifikojnë përgjegjësit nëse konfirmohen dyshimet.