Një banor i Manastirit ka denoncuar në polici se është mashtruar nga një person që u paraqit si mjeshtër për vendosjen e pllakave, pasi i kishte dorëzuar 91.000 denarë për blerjen e materialeve për rinovimin e banjës.
Sipas informacioneve nga SPB Manastir, A.D. (59) nga Manastiri e kishte angazhuar personin për kryerjen e punimeve ndërtimore në banesën e tij dhe ia kishte besuar paratë për të siguruar materialet e nevojshme.
Megjithatë, deri në momentin e paraqitjes së rastit në polici, personi nuk kishte nisur punimet e dakorduara dhe kishte shmangur çdo kontakt me të dëmtuarin, i cili më pas kuptoi se ishte viktimë e një mashtrimi. Policia po ndërmerr masa për zbardhjen e plotë të rastit.
