Kuvendi i Maqedonisë së Veriut para pak çastesh miratoi rikonstruimin e kabinetit qeveritar. Propozimi u votua me 69 vota “për”, ndërsa nuk pati asnjë votë “kundër” apo “të përmbajtur”, raporton Zyrtare.
Me këtë rikonstruim, koalicioni VLEN fiton edhe një post ministror më shumë në Qeveri. Jeton Shasivari do të drejtojë Ministrinë e Drejtësisë, Sedat Sulejmani është emëruar ministër i Kulturës dhe Turizmit, ndërsa Agon Ferati do të udhëheqë Ministrinë e Sistemit Politik dhe Marrëdhënieve ndërmjet Komuniteteve.
