Protesta e organizuar nga BDI në Tetovë kundër vendimit për emrat e rrugëve nuk ka arritur të mbledhë numrin e pritur të pjesëmarrësve. Edhe pse në protestë kanë mbërritur autobusë me mbështetës nga qytete të ndryshme të vendit, pjesëmarrja në terren duket dukshëm më e vogël se sa ishte paralajmëruar.
Pamjet e siguruara me dron tregojnë se kolona e protestuesve është dukshëm më e zbehtë krahasuar me pritjet dhe thirrjet e organizatorëve. BDI e organizoi protestën si reagim ndaj vendimit për shfuqizimin e emrave të disa rrugëve dhe sheshit në Tetovë./Tema.mk/
