Elon Musk hodhi gati gjysmë miliardi dollarë për të shpëtuar Trumpin, por republikanët humbën

Elon Musk shpenzoi afro gjysmë miliardi dollarë për të ndihmuar republikanët të ruanin kontrollin e Kongresit amerikan, por zgjedhjet e 3 nëntorit përfunduan me një disfatë të rëndë për kandidatët që ai mbështeti. Vetëm tre nga 43 kandidatët republikanë për Dhomën e Përfaqësuesve, të mbështetur drejtpërdrejt nga miliarderi, kishin siguruar fitoren, sipas një analize të publikuar sot nga Reuters.Nga 43 kandidatët, 33 kishin humbur, ndërsa shtatë gara mbeteshin ende pa rezultat përfundimtar në momentin e përditësimit të të dhënave. Në Senat, gjashtë nga shtatë kandidatët republikanë të mbështetur prej tij kishin humbur, ndërsa gara e fundit, në Alaskë, vazhdonte të ishte e hapur.Musk, pronari i Tesla, SpaceX dhe platformës X, ishte donatori më i madh individual i zgjedhjeve të mesit të mandatit. Sipas të dhënave të financimit elektoral, ai kishte dhënë të paktën 445 milionë dollarë për të mbështetur republikanët, përmes komiteteve politike dhe organizatave të tjera.