Aksioni policor, të arrestuar emra të njohur në qarqet kriminale

Një aksion i gjerë policor kundër rrjeteve të narkotrafikut po zhvillohet mëngjesin e sotëm në disa lokacione në vend.
Sipas informacioneve jozyrtare, Ministria e Punëve të Brendshme përmes Byrosë për Siguri Publike dhe Departamentit për Krim të Organizuar, në koordinim me Prokurorinë për Ndjekjen e Krimit të Organizuar dhe Korrupsionit, po realizon operacion në Shkup, Shtip, Strumicë dhe në fshatin Gërçec të Shkupit.
Qëllimi i këtij aksioni është goditja e një rrjeti kriminal të lidhur me tregtinë e kokainës.
Mes të ndaluarve, sipas burimeve jozyrtare, përmenden edhe emra të njohur në qarqet kriminale.