Presidenti i Shteteve të Bashkuara, Donald Trump, ka reaguar pas një incidenti të armatosur që ndodhi pranë Shtëpisë së Bardhë, ku një 21-vjeçar u neutralizua për vdekje nga forcat e Shërbimit Sekret pasi tentoi të hynte me forcë në territorin e kompleksit presidencial.
Në një postim në rrjetin e tij Truth Social, Trump shprehu mirënjohje për Shërbimin Sekret dhe për forcat e rendit, duke vlerësuar reagimin e tyre të shpejtë dhe profesional ndaj situatës së rrezikshme. Sipas tij, personi i armatosur kishte një të kaluar të lidhur me dhunë dhe dyshohej se kishte zhvilluar një lloj “obsesioni” ndaj Shtëpisë së Bardhë, një nga institucionet më të rëndësishme në vend.
